Тропарь (глас 4)Яко необоримую стену и источник чудес стяжавше Тя раби Твои, Богородице Пречистая сопротивных ополчения нИзлагаем. Темже молим Тя мир отечеству нашему даруй и душам нашим велию милость.
Кондак (глас 4)Честный образ Твоего Знамения празднующе людие Твои Богородительнице, имже дивную победу на сопротивные граду Твоему даровала еси. Темже Тебе верою взываем:радуйся Дево, христиан похвало. МолитваЦарице наша преблагая, надежда наша, Богородице. Приятилище сирых и странных предстательнице, скорбящих радосте, обидимых покровительнице; зриши нашу беду, зриши нашу скорбь. Помози нам яко немощным, окорми нас яко странных. Обиду нашу веси, разреши ту, яко волиши. Яко не имамы иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши нас и покрыеши во веки веков. Аминь.
